Month: July 2009

ગુજરાતી

એક યહૂદી, એક ડચ અને એક ગુજરાતી- ત્રણ વેપારીઓ એન્ટવર્પની હોટલમાં એક ટેબલ પર આવી ગયા. વટ પાડવા માટે વલંદાએ(ડચે) એકસો ડોલરની નોટ કાઢી તેમાં તમાકુ ભરી સિગાર બનાવી પીધી. તે જોઈ યહૂદીએ હજાર ડોલરની નોટની સિગાર બનાવી. આ બંનેની સામે વટ પાડવા ગુજરાતીએ દસ હજાર ડોલરનો ચેક લખી તેની સિગાર બનાવીને પીધી. 😉

હોટેલમાં કોઈ ચા મંગાવે પછી ચામાં માખી પડે તો કોઈ શું કરે?
બ્રિટિશર ઊભો થઈ મેનેજમેન્ટને ફરિયાદ કરી જતો રહે.ઓસ્ટ્રેલિયન વેઈટર જોડે ઝગડ કરે. મંદીના મારમાં સપડાયેલો અમેરિકન ચામાંથી માખી કાઢી ચા પી જાય. દેડકાં-સાપ ખાનાર ચીનો પહેલા માખી ખાઈ જાય પછી ચા પી જાય. આ સમયે જગતનો શ્રેષ્ઠ શ્રેષ્ઠી ગુજરાતી હોટેલનું બિલ ભરીને પછી મેનેજમેન્ટ સામે નુક્સાનીનો દાવો માંડે. પછી નવી ચા મંગાવે અને બ્રિટિશરે તરછોડેલી ચાનો કબજો મેળવી માખી ચીનાને વેચી દે, ચા અમેરિકનને વેચી દે, કપ ઓસ્ટ્રેલિયનને વેચે અને પછી વેચાણ અને નુકસાનીનું વળતર ખીસામાં મૂકી ઘરભેગો થઈ જાય. 😀

ગુજરાતી માત્ર શ્રેષ્ઠ વેપારી નહિ તેથી પણ વિશેષ છે, તેમ છતાં ગુજરાતીઓની બોલીવુડની ફિલ્મોમાં ઉડાવવામાં આવે છે. આજકાલની સિરીયલોમાં પણ એ પ્રકારનું જ બતાવવામાં આવે છે. તેમાં જેમ બતાવવામાં આવે છે, ગુજરાતીઓ તેટલા બુધ્ધુઓ નથી હોતા. ગુજરાતીઓ ચીપી-ચીપીને નથી બોલતા કે નથી તેઓ વાતવાતમાં ગરબા રમવાની પહેલ કરતાં. ગરબા એ ગુજરાતની આગવી ઓળખ છે તથા ગુજરાતી સંસ્ક્રુતિનો એક ભાગ છે. માત્ર પોતાની સિરીયલના ટીઆરપી વધારવા માટે કે સિરીયલ/ ફિલ્મને સસ્તી લોકપ્રિયતા મળે તે માટે આવું ન કરવું જોઈએ.

કેમ ક્યારેય પંજાબી, મરાઠી પ્રજાની સંસ્કુતિની મજાક નથી ઉડાવવામાં આવતી, કારણ કે જો એવું કરવામાં આવે તો ખરાબ પરિણામ આવવાની શકયતાઓ રહેલી છે. ગુજરાતની પ્રજાએ પણ બીજા રાજ્યો જોડેથી શીખ લેવાની જરૂર છે અને ખરેખર આવા લોકોને વાસ્તવિકતાનું ભાન કરાવવાની જરૂર છે.

ગુજરાતી જોકસ-IV

દુર્ઘટના

રાકેશઃ સાહેબ મારો પગાર વધારી દેજો, હવે મારા લગ્ન થવાના છે.
સાહેબઃ ઓફિસની બહાર થતી ઘટના માટે ઓફિસ જવાબદાર નથી.

ડોકટર સાથે બદલો

ગણપતઃ આ ઓપરેશનથી મને કંઇ થઇ જાય તો તું આ ડોકટર સાથે લગ્ન કરી લેજે.
પત્નીઃ આવું કેમ કહી રહ્યા છો?
ગણપતઃ ડોકટર સાથે બદલો લેવાનો આ એક જ રસ્તો છે.

પપ્પા અને ડેડી

પપ્પાઃ દીકરી પહેલાં તું મને પપ્પા કહેતી હતી અને હવે ડેડી કહે છે એની પાછળનું કારણ શું છે?
દીકરીઃ પપ્પા બોલવાથી મારી લિપસ્ટીક ખરાબ થઈ જાય છે. 😀